არსებობს  კბილის  რესტავრაციის  მრავალი  მეთოდი, როგორც  მხატვრული  რესტავრაცია  მაღალი  ხარისხის  კომპოზიტური  მასალით, ასევე  კერამიკული  ვინირები, რაც  ყველაზე  სრულყოფილი  და  მცირე  ინვაზიური  მეთოდია  ესთეტიურ  სტომატოლოგიაში. 

ვინირების მეშვეობითაც შეიძლება კბილის ფორმის, ზომისა და ფერის გამოსწორება. აღნიშნული მეთოდი, ესთეტიურ სტომატოლოგიაში, აქტიურად გამოყენება და გვაძლევს საშუალებას მინიმალური ინვაზიის (ანუ ქსოვილის მინიმალური დანაკარგის) მეშვეობით დავაკორექტიროთ კბილები.

ვინირებით კარგად ინიღბება დაბზარული, ლაქებიანი ან დეფექტების მქონე კბილის მინანქარი. შესაძლებელია კბილის გადიდება ან, არასწორი დგომის შემთხვევაში, მცირედ შემობრუნებაც. ამის გამო, რიგ შემთხვევებში, ორთოდონტიულ მკურნალობას ანაცვლებს.

 ვინირი წარმოადგენს ძალიან თხელ ფირფიტას, რომელიც კბილის ზედაპირზე მაგრდება.

მაღალპროფესიონალურ დონეზე შესრულებული ვინირი გამძლე კონსტრუქციაა და ღიმილიც დიდხანს შეინარჩუნებს მომხიბვლელობას სათანადო მოვლის და პირის ღრუს ჰიგიენის წესების დაცვის შემთხვევაში.

ვინირების გაკეთება მიზანშეწონილია თუ თქვენთ გახასიათებთ:     

  1. ფერშეცვლილი კბილი მაგ: (ტეტრაციკლინის ან სხვა პრეპარატის მიღების გამო). 

2.  ბზარები კბილებზე.
3.  ნაცვეთი კბილები.
4.  არათანაბარი და არასტანდარტული ფორმის კბილები.
5.  კბილთაშორისი დაცილებები (დიასთემები, ტრემები).