ენდოდონტია წარმოადგენს კბილის არხების მკურნალობას. კარიესის არადროული მკურნალობის შედეგად, პროცესი ღრმავდება და ვითარდება კბილის არხში არსებული ნერვ-სისხლძარღვოვანი ქსოვილის ანთება ანუ პულპიტი. პულპიტის შემდგომ კი იწყება ფესვის ირგვლივ ძვლოვანი ქსოვილის ანთება – პერიოდონტიტი.

ენდოდონტიური მკურნალობა გულისხმობს: კბილის არხების გაწმენდას პათოგენური მიკროფლორისგან, მათ მექანიკურ და ქიმიურ ულტრაბგერით დამუშავებას, ჰერმეტულ დაბჟენას.

პროცედურის შედეგად ხდება ანთების გამომწვევი, პათოგენური მიკროფლორის სრული მოსპობა და კბილის არხების ჰერმეტული დაბჟენა, რაც თავის მხრივ იწვევს ანთებითი პროცესის ჩაქრობას და ტკივილის სრულად მოხსნას.

ყველა სამკურნალო პროცედურა და განსაკუთრებით ენდოდონტიური ჩარევა ჩვენს კლინიკაში ტარდება სტომატოლოგიური მიკროსკოპის გამოყენებით. ამ დროს ხდება კბილის უწვრილესი სტრუქტურების გადიდება 4-25 ჯერ და განათება ქსენონის სხივით, რაც ხელს უწყობს სამკურნალო ველის მაქსიმალურ ვიზუალიზაციას და უზრუნველყობს მკურნალობის მაღალ ხარისხიან შედეგს.

ენდოდონტიური მკურნალობის დროს პროცედურის ხანგრძლივობა დაახლოებით 90 წუთია. პროცედურა საჭიროებს ადგილობრივ ინექციურ ანესთეზიას. ინექციის წინ ხდება ლორწოვანის გაყუჩება საანესთეზიო გელით. პაციენტი პროცედურის შემდეგ უბრუნდება ცხოვრების ჩვეულ რიტმს.

თანამედროვე ტექნოლოგიები, უახლესი აპარატურა და ჩვენი ექიმების მაღალი პროფესიონალიზმი საშუალებას იძლევა, შეინარჩუნოთ ყველაზე გართულებული კბილიც კი.

ამ პროცედურის შემდეგ, შესაძლებელია პაციენტს აღენიშნოს დისკომფორტი კბილის კბილზე დაჭერისას 2-3 დღის განმავლობაში, რაც ორგანიზმის ნორმალური რეაქციაა კბილის ახალი შემავასებლის მიმართ.